Chit-ê giàn-mù tio̍h tāi-ke chē chò-hóe lâi ī, khòaⁿ beh si̍t-thé chū-hōe á-sī sòaⁿ-téng chū-hōe lóng khó-í. Pī-pān 1 tâi tiān-náu chiap tōa tâi mó͘-ni̍h-tà hō͘ tāi-ke lóng khòaⁿ ē tio̍h. Nā tī sòaⁿ-téng, tō sī su-sek-chiá hòng-sàng i ê ōe-bīn. Ta̍k-ê lâng tio̍h kā chhiú-ki-á the̍h--chhut-lâi. Ē-bīn 1 pō͘ 1 pō͘ kà lí ī.
Ài pī-pān:
• Chi̍t tâi tiān-náu, chiap tōa tâi ê tiān-sī. Chē siōng óa tiān-náu hit-ê lâng chò su-sek-chiá, i hū-chek chhi̍h tiān-náu téng-bīn ê liú.
• Ta̍k-ê lâng ài ū 1 ki chhiú-ki-á, ē-tàng pi QR khó͘, koh ài ū bu-láu-sah.
• Siōng bô ài 3-ê lâng chiah ē-tàng ī.
Su-sek-chiá tī tiān-náu khui Ioh Tâi-gí hit bāng-ia̍h. Ē khòaⁿ tio̍h tò-pêng 1-ê QR khó͘, chiàⁿ-pêng 1-ê miâ-toaⁿ, ē-kha ū chi̍t-koá siat-tēng, koh ū 1-ê Khí-kó͘ ê liú.
Tāi-ke ēng chhiú-ki-á pi tiān-náu téng-koân hit-ê QR khó͘. Chhiú-ki-á ē khui 1 ia̍h sin ia̍h, kiò lí siá Lán ê tōa-miâ, sòa chhi̍h Chham-ka.
Miâ siá hó-sì, chhiú-ki-á ē kóng Tán tāi-ke lóng lâi. Siāng-sî hit-ê miâ ē chhut-hiān tī tiān-náu ê miâ-toaⁿ.
Lâng lóng kàu-ūi ah, su-sek-chiá seng kā siat-tēng sûn--1-ē, chiah chhi̍h Khí-kó͘:
| Sū-lài-tà | Ì-sù | Siat-tēng |
|---|---|---|
| Chō kù ê sî-kan | Beh hō͘ lâng jōa chē sî-kan khì chō kù. Sǹg hun-cheng--ê. | 1–10, pún-té sī 3 |
| Chhut tê ê sî-kan | Beh hō͘ lâng jōa chē sî-kan khì chim-chiok pa̍t-lâng chō ê kù. | 1–10, pún-té sī 2 |
| Ioh ê sî-kan | Beh hō͘ tāi-ke jōa chē sî-kan khì ioh tap-àn. | 1–5, pún-té sī 1 |
| Siōng chōe siá kúi-ê sû | Chi̍t kù ōe siōng chōe kúi-ê sû | 3–12, pún-té sī 10 |
Chù-ì: chhi̍h Khí-kó͘ liáu-āu pa̍t-lâng tō bē-tàng koh chham-ka ah. Nā koh ū lâng khì pi he QR khó͘, chhiú-ki-á ē kóng Lí siuⁿ oàⁿ lâi. Só͘-pái ài tán lâng lóng kàu-ūi chiah khí-kó͘.
Tiān-náu ē tùi sû-khò͘ lia̍h chi̍t-ê sû chò chú-tê, lô-má-jī tī téng-koân, hàn-jī tī ē-kha, koh ū 1-ê tò-ta̍h ê sî-cheng. Siāng-sî ta̍k ki chhiú-ki-á mā ē khòaⁿ tio̍h chit-ê sû.
Taⁿ tāi-ke khòaⁿ ka-tī ê chhiú-ki-á, tī hia siá 1 kù ōe, kù lāi-té ài ū chú-tê hit-ê sû. Siá hó chhi̍h Sàng. Pa̍t-lâng khòaⁿ bē-tio̍h lí siá siáⁿ-mih.
Kù ê kui-kí:
Nā só͘ siá bô ha̍h téng-bīn ê kui-kí, keh-á piⁿ ē kiò lí ài chù-ì. Pí-lūn Sû siuⁿ chió, Sû siuⁿ chōe, Chú-tê ài tú-tú chhut-hiān 1 pái, téng-téng. Ū ha̍h kui-kí, Sàng chiah ē-tàng chhi̍h.
Sî-kan kàu iáu-bōe sàng--chhut-khì: chhiú-ki-á ē chhut-hiān Tán āu chi̍t tê. Chit-tê tō bô lí ê hūn, m̄-koh bô khàu hun, tán āu 1-ê chú-tê chiah koh siá tō hó.
Chit-pō͘ lâng lóng bián chhap, tiān-náu ka-kī chò. I kā ta̍k-ê lâng siá ê kù táu-táu leh, sàng hō͘ pa̍t-lâng. Bô-lâng ē the̍h tio̍h ka-tī siá ê kù.
Lí ê chhiú-ki-á taⁿ chhut-hiān pa̍t-lâng siá ê kù, m̄-koh ta̍k-ê sû lóng piàn chò 1-ê liú. Lí ài chò ê kang: kéng 1-ê sû kā i cha̍h--khí-lâi, hō͘ pa̍t-lâng ioh. Chhi̍h hit-ê sû ê liú, i tō pìⁿ chò _____.
Ū kúi-ê sû bē piàn chò liú: chú-tê pún-sin, ê, 个, kap sò͘-jī(3、saⁿ、十三 chit lūi). Nā tiān-náu pòaⁿ-toān têng-tâⁿ, lí mā tio̍h chiàu kui-kí kéng sû, nā bô, su-sek-chiá ē kóng lí siòng-kong.
Chù-ì: Chún kóng sî-kan kàu ah iáu-bōe kéng hó-sì, ē khàu chi̍t hun. Kan-taⁿ chit-ê só͘-chāi ē kā lâng khàu hun, m̄-thang bē kì-tit chhi̍h.
Taⁿ tńg-lâi khòaⁿ tiān-náu ê ōe-bīn. Chi̍t pái kan-taⁿ khòaⁿ-tio̍h 1 tiâu bī-chhai. Tōa-tōa jī siá--ê tō sī hit-kù ōe, tiong-ng ū 1 jī khòaⁿ bē tio̍h.
Taⁿ lâi, chhun--ê lâng (chok-chiá kap chhut-tê ê lâng lia̍h-gōa) thang chhut siaⁿ ioh phàng-kiàn--ê hit-ê sû sī siáⁿ-mih. Bián phah jī, khui-chhùi kóng tō hó. Bô teh ioh--ê hit 2-ê lâng thang kóng ioh tio̍h a̍h m̄-tio̍h. Nā ū 2-ê lâng chha-put-to sî-kan kóng chhut chèng-khak ê tap-àn, án-ne 2-ê lóng sǹg ioh--tio̍h. Su-sek-chiá thiaⁿ-liáu, ùi ē-bīn só͘ kóng hit 4-ê liú kéng 1-ê lâi chhi̍h:
| Liú | Tang-sî chhi̍h | Hun-sò͘ án-chóaⁿ sǹg |
|---|---|---|
| Siòng-kong (chok-chiá, B1) | Chok-chiá chō ê kù ū būn-tê, pí-lūn kóng bô chiàu kui-kí siá | Lóng bô sǹg hun |
| Siòng-kong (chhut-tê ê lâng, B2) | Bī-chhai chhut liáu bô hó, só͘ cha̍h ê jī bô ha̍h kui-kí | Chhut-tê ê lâng −1 |
| Bô lâng io̍h--tio̍h (B3) | Tāi-ke lóng ioh bô | Chhut-tê ê lâng +2 |
| Sàng (B4) | Ū lâng ioh--tio̍h — seng tiám in ê miâ, chiah chhi̍h | Ioh--tio̍h ê lâng ta̍k-ê +1, chok-chiá mā +1 |
Chhi̍h--lo̍h-khì, hun-sò͘ tō sǹg hó-sì ah. Sûi-lâng thang tī chhiú-ki-á téng-koân khòaⁿ-tio̍h ka-tī ê Hun-sò͘. Tiān-náu ê ōe-bīn bô kong-khai tāi-kē ê hun-sò͘, kan-taⁿ ka-tī ê chhiú-ki-á khòaⁿ ū.
Tiān-náu sûi thiàu khì āu chi̍t-ê lâng chō ê kù, kāng-khoán ê hoat-tō͘ koh ioh 1 pái. Chit-phâng ê kù lóng ioh--kòe, tō tńg-khì thâu 1 pō͘, oāⁿ 1-ê sin chú-tê, koh sńg 1 phâng.
Ū lâng ê hun-sò͘ kàu 10 hun hit-chūn, lán kā chit-phâng ī liáu, tō soah-kó͘ ah. Só͘-pái tōa-iâⁿ ê hun-sò͘ ū khó-lêng khah chōe 10 hun. Hun-sò͘ chha-put-to ê lâng mā ū khó-lêng péng-pôaⁿ.
Khăn-jió liáu, tiān-náu ē chhut pâi-hâng-pńg. Kāng hun ê lâng pâi kāng miâ: pí-lūn thâu-miâ 11 hun, āu-piah saⁿ-ê lóng 9 hun, hit saⁿ-ê tō lóng sī tē-jī miâ, koh, án-ne tō bô tē-saⁿ miâ. Chhi̍h Koh chi̍t pái, kāng chit-tīn lâng hun-sò͘ chheng tiāu, chū thâu koh ī.
Keng-lâm Su-īⁿ
